Matt 12:39
39 En hann svaraði og sagði við þá: Vond og hórsöm kynslóð krefst teikns, og eigi skal henni annað teikn gefið verða en teikn Jónasar spámanns;
000
Adam og Eva, hvað?
Þau lifa sig inn í heilmyndina, eins og við lifum okkur inn í jarðlífið.
Adam, af hverju erum við hér alslaus, klæðlaus úti í móum að sumarlagi? Það er gagn að það er ekki vetur.
Ja, voru það ekki stríðsátökin?
Við gátum ekki hugsað áfram, við hugsuðum aftur á bak, höfðum ekki innsæi.
En Adam, þú hlýtur að geta talað við KALLINN, með skeggið, hann er góður, er það ekki?
Adam klóraði sér í skallanum, jú, en við hlustuðum ekki á hann.
Eva, hvað eigum við að gera, ekki getum við búið svona, allslaus, og svo kemur veturinn.
Gerðu eitthvað Adam, sýndu hvað býr í þér.
Þú hlustar ekki, þú verður að gera eitthvað, þú þóttist stjórna öllu og virtist svo klár.
Þú ert þönngulhaus, búinn að koma okkur alslausum út í móa, ég hefði heldur átt að taka honum Jóa, þú ert flón.
Talaðu, svaraðu mér auminginn þinn.
Heyrðu kona, við fórum á þessa heilmynd til að skilja ástandið.
Þarna gátum við lifað ástandið sem yrði ef við bætum ekki okkar ráð.
Eigum við ekki að fara á heilmyndina þar sem við lifum réttu leiðina, sem þessir spámenn reyna að sýna okkur.
Ég er hrædd, og ég sé að þú ert engu betri, og gjörsamlega skilningslaus.
Ertu fullur, meiri asninn.
Nú tökum við höndum saman og lifum þessa lausnarmiðuðu heilmynd.
Ég held að við konurnar verðum að fara að gömlu ráðunum um að konurnar verndi karlinn, svo að hann fari sér ekki að voða.
Heyrðu Adam, var það ekki þannig að ef kallinn eltir hverja konu, þá tíndi hann sjálfum sér.
Var það ekki Nikola Tesla sem sagði að konan stæli Andanum frá karlinum, og þá yrðu hann hálf Andlaus.
Þið eruð nú meiri asnarnir, þessir karlmenn.
Jæja ég kem með þér á þessa björgunar heilmynd, sem á að sýna okkur hvað er til bóta.
En heyrðu, var það ekki vitlausi kallinn, hvað hét hann, Jónas í hvalnum.
Það er í Biblíunni, Kallinn með skeggið, ég meina Guð sem sagði honum að koma vitinu fyrir fólkið í borginni Níneve.
Jónas sagði að ef hann færi og fólkið tryði honum, þá myndi Guð hjálpa þeim og svo þegar ekkert yrði til vandræða, myndi fólkið segja að þetta hefði verið vitleysa.
En þeir bættu samt ráð sitt og björguðust í 80 eða 134 ár, ég man það ekki.
Við förum á heilmyndina væni minn.
Hvað sáu þau Adam og Eva, í lausnar miðuðu heilmyndinni?
Farinn kl. 02:00
Egilsstaðir, 26.06.2021, Jónas Gunnlaugsson
000
Matt 12:39
39 En hann svaraði og sagði við þá: Vond og hórsöm kynslóð krefst teikns, og eigi skal henni annað teikn gefið verða en teikn Jónasar spámanns;
JÓNAS
Jónas flýr frá Guði
1
1Orð Drottins kom til Jónasar Amittaísonar, svo hljóðandi:
2"Legg af stað og far til Níníve, hinnar miklu borgar, og prédika móti henni, því að vonska þeirra er upp stigin fyrir auglit mitt."
3En Jónas lagði af stað í því skyni að flýja til Tarsis, burt frá augliti Drottins, og fór hann niður til Jaffa. Þar hitti hann skip, er ætlaði til Tarsis. Greiddi hann fargjald og steig á skip í því skyni að fara með þeim til Tarsis, burt frá augliti Drottins.
4Þá varpaði Drottinn miklum stormi á sjóinn, og gjörði þá svo mikið ofviðri á hafinu, að við sjálft lá, að skipið mundi brotna. 5Skipverjar urðu hræddir og hét hver á sinn guð. Og þeir köstuðu reiða skipsins í sjóinn til þess að létta á skipinu.
En Jónas hafði gengið ofan í neðsta rúm í skipinu, lá þar og svaf vært. 6Þá gekk stýrimaður til hans og sagði við hann: "Hvað kemur til, að þú sefur? Statt upp og ákalla guð þinn. Vera má að sá guð minnist vor, svo að vér förumst eigi."
7Nú sögðu skipverjar hver við annan: "Komið, vér skulum kasta hlutum, svo að vér fáum að vita, hverjum það er að kenna, að þessi ógæfa er yfir oss komin." Þeir köstuðu síðan hlutum, og kom upp hlutur Jónasar. 8Þá sögðu þeir við hann: "Seg oss, hver er atvinna þín og hvaðan kemur þú? Hvert er föðurland þitt og hverrar þjóðar ertu?"
9Hann sagði við þá: "Ég er Hebrei og dýrka Drottin, Guð himinsins, þann er gjört hefir hafið og þurrlendið."
10Þá urðu mennirnir mjög óttaslegnir og sögðu við hann: "Hvað hefir þú gjört!" Mennirnir vissu sem sé, að hann var að flýja burt frá augliti Drottins, því að hann hafði sagt þeim frá því. 11Því næst sögðu þeir við hann: "Hvað eigum vér að gjöra við þig, til þess að hafið kyrrist fyrir oss?" - því að sjórinn æstist æ meir og meir.
12Þá sagði hann við þá: "Takið mig og kastið mér í sjóinn, mun þá hafið kyrrt verða fyrir yður, því að ég veit, að fyrir mína skuld er þessi mikli stormur yfir yður kominn."
13Þá lögðust skipverjar á árar og reyndu að komast aftur til lands, en gátu það ekki, því að sjórinn æstist æ meir og meir. 14Þá kölluðu þeir til Drottins og sögðu: "Æ, Drottinn! Lát oss eigi farast, þótt vér glötum lífi þessa manns, og lát oss ekki gjalda þess, svo sem vér hefðum fyrirkomið saklausum manni, því að þú, Drottinn, hefir gjört það, sem þér þóknaðist." 15Þeir tóku nú Jónas og köstuðu honum í sjóinn. Varð hafið þá kyrrt og sjávarólguna lægði. 16En skipverjar óttuðust Drottin harla mjög, færðu Drottni sláturfórn og gjörðu heit.
Jónas syngur þakkarsálm
2
1Þá sendi Drottinn stórfisk til þess að svelgja Jónas. Og Jónas var í kviði fisksins þrjá daga og þrjár nætur.
2Og Jónas bað til Drottins Guðs síns í kviði fisksins 3og sagði:
Ég kallaði til Drottins í neyð minni,
og hann svaraði mér.
Frá skauti Heljar hrópaði ég,
og þú heyrðir raust mína.
4 Þú varpaðir mér í djúpið, út í mitt hafið,
svo að straumurinn umkringdi mig.
Allir boðar þínir og bylgjur gengu yfir mig.
5 Ég hugsaði: Ég er burt rekinn frá augum þínum.
Mun ég nokkurn tíma framar líta þitt heilaga musteri?
6 Vötnin luktu um mig og ætluðu að sálga mér,
hyldýpið umkringdi mig,
höfði mínu var faldað með marhálmi.
7 Ég steig niður að grundvöllum fjallanna,
slagbrandar jarðarinnar voru lokaðir á eftir mér að eilífu.
Þá færðir þú líf mitt upp úr gröfinni,
Drottinn, Guð minn!
8 Þegar sál mín örmagnaðist í mér, þá minntist ég Drottins,
og bæn mín kom til þín, í þitt heilaga musteri.
9 Þeir sem dýrka fánýt falsgoð,
þeir hafna hjálpræði sínu.
10 En ég vil færa þér fórnir með lofgjörðarsöng.
Ég vil greiða það er ég hefi heitið.
Hjálpin kemur frá Drottni.
11En Drottinn bauð fiskinum að spúa Jónasi upp á þurrt land.
Jónas prédikar í Níníve
3
1Og orð Drottins kom til Jónasar annað sinn, svo hljóðandi: 2"Legg af stað og far til Níníve, hinnar miklu borgar, og flyt henni þann boðskap, er ég býð þér." 3Þá lagði Jónas af stað og fór til Níníve, eins og Drottinn hafði boðið honum. En Níníve var geysimikil borg, þrjár dagleiðir á lengd.
4Og Jónas hóf göngu sína inn í borgina eina dagleið, prédikaði og sagði: "Að fjörutíu dögum liðnum skal Níníve verða í eyði lögð."
5En Nínívemenn trúðu Guði og boðuðu föstu og klæddust hærusekk, bæði ungir og gamlir. 6Og er þetta barst til konungsins í Níníve, þá stóð hann upp úr hásæti sínu, lagði af sér skikkju sína, huldi sig hærusekk og settist í ösku. 7Og hann lét gjöra heyrinkunna í Níníve svolátandi skipun:
"Samkvæmt boði konungs og vildarmanna hans er svo fyrir mælt: Hvorki menn né skepnur, hvorki naut né sauðir skulu nokkurs neyta. Þeir skulu hvorki á gras ganga né vatn drekka, 8heldur skulu þeir hylja sig hærusekk, bæði menn og skepnur, og hrópa til Guðs ákaflega og láta hver og einn af sinni vondu breytni og af þeim rangindum, er þeir hafa um hönd haft. 9Hver veit nema Guði kunni að snúast hugur og hann láti sig iðra þessa og láti af sinni brennandi reiði, svo að vér förumst ekki."
10En er Guð sá gjörðir þeirra, að þeir létu af illri breytni sinni, þá iðraðist Guð þeirrar ógæfu, er hann hafði hótað að láta yfir þá koma, og lét hana ekki fram koma.
Gremja Jónasar og miskunn Drottins
4
1Jónasi mislíkaði þetta mjög, og hann varð reiður. 2Og hann bað til Drottins og sagði: "Æ, Drottinn! Kemur nú ekki að því sem ég hugsaði, meðan ég enn var heima í mínu landi? Þess vegna ætlaði ég áður fyrr að flýja til Tarsis, því að ég vissi, að þú ert líknsamur og miskunnsamur Guð, þolinmóður og gæskuríkur og lætur þig angra hins vonda. 3Tak nú, Drottinn, önd mína frá mér, því að mér er betra að deyja en lifa." 4En Drottinn sagði: "Er það rétt gjört af þér að reiðast svo?"
5Því næst fór Jónas út úr borginni og bjóst um fyrir austan borgina. Þar gjörði hann sér laufskála og settist undir hann í forsælunni og beið þess að hann sæi, hvernig borginni reiddi af. 6Þá lét Drottinn Guð rísínusrunn upp spretta yfir Jónas til þess að bera skugga á höfuð hans og til þess að hafa af honum óhuginn, og varð Jónas stórlega feginn rísínusrunninum.
7En næsta dag, þegar morgunroðinn var á loft kominn, sendi Guð orm, sem stakk rísínusrunninn, svo að hann visnaði. 8Og er sól var upp komin, sendi Guð brennheitan austanvind, og skein sólin svo heitt á höfuð Jónasi, að hann örmagnaðist. Þá óskaði hann sér dauða og sagði: "Mér er betra að deyja en lifa!"
9Þá sagði Guð við Jónas: "Er það rétt gjört af þér að reiðast svo vegna rísínusrunnsins?"
Hann svaraði: "Það er rétt að ég reiðist til dauða!"
10En Drottinn sagði: "Þig tekur sárt til rísínusrunnsins, sem þú hefir ekkert fyrir haft og ekki upp klakið, sem óx á einni nóttu og hvarf á einni nóttu. 11Og mig skyldi ekki taka sárt til Níníve, hinnar miklu borgar, þar sem eru meira en hundrað og tuttugu þúsundir manna, er ekki þekkja hægri hönd sína frá hinni vinstri, og fjöldi af skepnum?"
Netútgáfan og Hið Íslenska Biblíufélag - ágúst 1997
RSS
Athugasemdir
var beðið með að tilkynna eitthvað þar til fríið var komið eins og gert var með hjartabólgurnar.
Vonandi sofa læknar og ráðamenn vel. Og lyfin virkar ekki einu sinni. 1. apríl.
Þórdís Björk Sigurþórsdóttir, 19.7.2021 kl. 13:21
Já það er spurning, og eitthvað voru þau sein að birta tölurnar í dag!
Nú er fólk loksins farið að stíga fram hér á landi og segja frá hvaða afleiðingar þessar sprautur hafa haft á líf þeirra og heilsu, og enginn veit hvort þetta blessaða fólk nái nokkurn tímann fyrri heilsu aftur.
Þessar svokölluðu bólusetningar snúast um eitthvað allt annað en að kveða niður einhverja veiru sem fáa skaðar eða drepur, öfugt við þessi eiturefni.
Kristín Inga Þormar, 19.7.2021 kl. 13:36
Taktu eftir að hann notar ekki Youtube heldur Odysee, sem virðir tjáningarfrelsið. Þar er sennilega vænlegra að finna bannaðar skoðanir (en auðvitað líka allskonar rugl og hatur - sem betur fer kunna sumir að hugsa sjálfstætt).
Geir Ágústsson, 19.7.2021 kl. 18:09
Sæll Geir,
Við vitum alveg hvernig þessir helstu samfélagsmiðlar vinna, öllu er hent út sem passar ekki eina leyfða málstaðnum.
Já auðvitað er alls konar rugl þar, en það má líka finna á Youtube og hvar sem er á netinu.
En eins og þú segir, þá virðir Odysee málfrelsið sem er því miður á hröðu undanhaldi þessi misserin.
Kristín Inga Þormar, 19.7.2021 kl. 19:05
000
Egilsstaðir, 21.07.2021 Jónas Gunnlaugsson